Filippinnarda tropik fälakät
Köçle yañğırlar küp sanda keşelärneñ ülemenä kiterde
1811105
Filippinnarda tropik yañğırlar kiterep çığarğan su basu häm cir ubılularda ğomere özelüçelärneñ sanı 28gä citte.
“The New Daily”neñ xäbärenä qarağanda, Baybay şähäre yanındağı 4 awılda 10nçı-11nçe aprel’dä bulğan cir ubılularda 22 keşe hälaq bula, Tağın 20 keşene êzläw däwam itä.
İlneñ Davao de Ora häm Davao Oriental töbäklärendä dä köçle dawıl kiterep çığarğan su basu häm cir şuışularda 6 keşe ülä.
Soñğı 1 atna êçendä Filippinnarnıñ üzäk häm kön’yaq öleşlärendä 200gä yaqın taşqın arqasında yaqınça 30 meñ ğailä sıyınu urınnarına êvakuaśiyälänä.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
