Buçada tabılğan kümäk qaberleklärne qazu däwam itä
Qaberlektän çığarılğan mäyetlärneñ kem ikänen bilgeläw öçen DNK analizı yasalaçaq
Ukrainanıñ Buça şähärendäge kümäk qaberlektän çığarılıp şäxeslären açıqlaw häm tikşerü öçen kriminal’ mediśina êkspertizasına cibärelgän mäyetlärneñ sanı 46ğa citte. Alarnı Rusiyä xärbiläre üterüe farazlana.
Kümäk qaberlek qalanıñ İzge Andrey çirkäwe baqçasında tabıldı. Anda inde 3 kön qazu êşläre bardı. Anı bügen dä däwam itälär.
Kriminal’ mediśina êkspertizası wäqalätleläre birgän mäğ’lümatlarğa qarağanda, qaberlektän çığarılğan 46 mäyetne DNK analizları öçen nomerlandırıp maxsus üzäkkä cibärälär. Belgeçlär üterelgän keşelärneñ yäş’lär häm urta yäş’tägelär buluın söyli. Alarnıñ başlarında häm tez tirälärendä yädrä êzläre iğ’tibarnı cälep itä.
Buça qalası Rusiyä ğaskärläre çigengännän soñ uramnardağı mäyet fotoları häm videoları belän dön’yada kön üzägendä ide. Xäzer andağı kümäk qaberleklär köçle reakśiyägä säbäpçe buldı.
