Bıyıl xacğa 1 million keşe qabul itelä

Soğud Ğaräbstanı bıyıl xac ğıybadäte öçen il êçennän häm tışınnan 1 million zıyarätçeneñ qabul iteläçägen xäbär itte.

Xac häm ğomrä ministrlığınnan belderülärençä, säfärçelär här ilneñ öleşenä turı kilüçe sanğa kürä bilgelänäçäk. İzge urınnarnı xac qılırğa baruçılarğa quyılğan şartlar arasında 65 yäş’tän keçe bulu häm koronavirus vakśinasınıñ töp dozaların yasatu bar.

Belderüdä xac ğıybadäte öçen Soğud Ğaräbstanına kilüçe här yulçınıñ soñğı 72 säğat’ êçendä alınğan negativ PŚR testı näticäsen kürsätüe kiräklege äytelä.

Xac häm ğomrä ministrlığı, monnan tış, xaci namzätläreneñ izge tufraqlarğa säfäre buyınça Kovid-19 kizüe çikläwlären ütärgä tiyeşlege turında kisätte.

Soğud Ğaräbstanı koronavirus arqasında 2020nçe yılda barı il êçennän häm çikle külämdä xac qıluçı qabul itkän ide. Uzğan yıl da çit illärdän berkemne kertmädelär.