Könbatış Afrika soňğı 10 yılnıň iň zur azıq-tölek krizisın kiçerä
Bu xaqta “Oksfam” xalıqara gumanitar yӓrdӓm oyışması xäbär itä
Könbatış Afrikada soňğı 10 yılnıň iň zur azıq-tölek krizisı küzӓtelӓ.
Londonda urnaşqan “Oksfam” xalıqara gumanitar yӓrdӓm oyışması beldergӓnçӓ, Saxelnıň qayber töbӓklӓrendӓ aşlıq citeşterü uzğan yıl belӓn çağıştırğanda öçtӓn ber öleşkӓ kimegӓn hӓm töp azıq-tölek zapasları betkӓn diyӓrlek.
Oyışma belderüendӓ ӓytelgӓnçӓ, qorılıq, su basu,bӓreleşlӓr hӓm Kovid -19 arqasında millionlağan keşe yӓşӓgӓn cirlӓren taşlap kitӓrgӓ mӓcbür bulğan.
Soňğı 5 yılda azıq-tölek bӓyӓlӓre 30%qa artqan, Rusiya - Ukraina suğışı xӓlne tağın da naçaraytqan.
Könbatış Afrikada, şul isӓptӓn Burkina-Faso, Niger, Çad, Mali hӓm Nigeriyӓdӓ, azıq - tölek krizisı tirӓnӓyӓ bara.
2015 nçe yılda aşığıç azıq-tölek yӓrdӓmenӓ moxtac keşelӓr sanı 7 million bulğan bulsa, bügenge köndӓ andıylarnıň sanı 27 millionğa citkӓn.
“Oksfam” xalıqara gumanitar yӓrdӓm oyışması aşığıç azıq-tölek yӓrdӓmenӓ moxtaclar sanı iyün’ ayına 38 millionğa qadӓr artırğa mömkin dip kisӓtӓ.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy