Ukraina armiyaseneñ yuğaltuları

Rusiyäneñ Saqlanu ministrlığı süzçese İgor’ Konaşenkov kiçä Ukraina armiyasenä bäyle 17 xärbi asqorıma qorılmasınıñ yuqqa çığarıluın äytte.

Konaşenkov başqala Mäskäwdä açıqlaw yasap, Rusiyä armiyase belän Donbasstağı güyä separatist citäkçeleklärneñ Ukrainada alğa barırğa däwam itüen belderde.

Rus xärbi köçläreneñ Ukrainadağı xärbi asqorıma qorılmasına qarata höcüm oyıştırırğa däwam itüen äytkän Konaşenkov: “Ukrainada ber köndä oçqıç höcümnärendä 17 xärbi asqorıma qorılması yuq itelde,” – dide.

“Bügenge qadär Ukraina armiyasenä bäyle 125 oçqıç, 91 boralaq, 394 keşesez hawa apparatı, 226 hawa saqlanu sisteması, 1948 tank häm köbäle maşina, 212 küp köpşäle raketa ırğıtuçı, 838 gaubiŝa häm minomyet, 1842 maxsus xärbi maşina yuqqa çığarıldı,” – dide süzçe.