Ukraina boralaqları Rusiyädä höcüm yasadı

Ukraina armiyäsenä qarawçı boralaqlarnıñ Rusiyäneñ Berlgorod şähärendäge neft’ êşkärtü ob’yektına höcüm itüe belderelde. Cirlek gubernatorı Vyaçeslav Gladkov citkergänçä, êşxanädä başta şartlaw bula, annarı yanğın başlana. Ul monıñ tübän biyeklektä oçıp Rusiyägä kergän Ukriana boralaqları höcüme näticäsendä kilep çığuın söyli. Ob’yekttağı şartlaw häm yanğında ülüçe häm yaralanuçı yuq.

Rusiyä ğadättän tış xällär ministrlığınnan belderülärençä, Ukraina çigenä 40 çaqrım yıraqlıqtağı êşxanä tiräsennän grajdanlılar êvakuaśiyälängän häm yanğınnı sünderü öçen tırışalar.

Şul uq waqıtta, Rusiyä saqlanu ministrlığı Ukrainada kiçä 28 xärbi asqorma ob’yektınıñ yuq itelüen citkerde.