BMO tınıçlıq köçe ğaskärilären utırtqan boralaq belän êlemtä özelde
Boralaqtağı 6 ğaskäri Paqıstannan, berse – Rusiyädän, tağın berse isä Serbiyädän bulğan
1804043
BMO Kongo demokratik cömhüriyätendä tınıçlıq köçe ğaskärilären utırtqan ber boralaqnıñ kilep töşüen belderde.
Oyışmanıñ ğomum särqatibe süzçese Stefan Duyarriç köndälek matbuğat brifingında äytkänçä, boralaqta 8 tınıçlıq köçe ğaskäriye bulğan. Alar belän êlemtä özelgän.
Boralaqtağı 6 ğaskäri Paqıstannan, berse – Rusiyädän, tağın berse isä Serbiyädän bulğan. Duyarriç êzläw-qotqaru êşçänlegeneñ däwam itüen belderde.
BMO tınıçlıq köçe ğaskärilären utırtqan boralaq soñğı könnärdä Kongo armiyäse häm M23 bularaq bilgele qorallı törkem arasında bäreleşlär çıqqan Çanzu töbägendä küzätü yasağan. Waqıyğanı tikşerü êşe bara.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
