Putinnı "it turawçı" dip atamıym...

Franśiyä ilbaşı Êmmanuêl’ Makron AQŞ liderı Djo Bayden şikelle Rusiyä däwlät başlığı Vladimir Putinnı “it turawçı” dip atamayacağın belderde.

Makron “France 3” kanalına interv’yusında Rusiyäneñ 24nçe fevral’dä Ukrainada başlağan suğışın tuqtatırğa teläwlären äytte. Ul monı başqarğanda “süzlärdä häm ğamällärdä kiyerenkelekne arttırmasqa” kiräklegen assızıqladı. Makron üzeneñ Putin belän söyläşülären däwam itüen häm aña qarata “it turawçı” süzen qullanmayaçağın citkerde. “Bez awrupalılar geografiyäbezne häm tarixıbıznı onıtırğa tiyeş tügel. Bez rus xalqına qarşı suğış açmıybız,”-dide ul.

Êmmanuel’ Makron Awrupanıñ Mäskäw belän Vaşington arasındağı salqın suğışta qatnaşmawına basım yasadı.

Franśiyä ilbaşı Ukrainanıñ Mariupol’ qalasında gumanitar operaśiyä ütkärü mäs’äläsendä Putin belän telefonnan söyläşäçägen belderde.

İsegezgä töşeräbez, Djo Bayden Pol’şa başqalası Varşavada Ukraina migrantları lagerına bardı häm anda Putinnı “it turawçı” dip atadı.