"Söyläşü citdi, şartlar ğadel bulırğa tiyeş"

 Ukraina däwlät başlığı Vladimir Zelenskiy üzeneñ videoyullamasında Rusiya armiyäsenä zur yuğaltular kitergän Ukraina qorallı köçläreneñ Donbas, Xar’kov häm Kiyevtağı doşman höcümnärenä qarşı köräşlären däwam itülären äytte.

 “Bezneñ ilne yaqlawçılarıbız, Rusiya höcümnären çigenderep, Rusiya citäkçelegenä ğadi häm logik töşençä bulğan söyläşüneñ kiräklegen kürsätä. Waqıtnı äräm itü öçen tügel, ä aşığıç räweştä mäğ’näle, döres näticä öçen söyläşergä kiräk” dide ul.

Vladimir Zelenskiy Rusiya belän söyläşüneñ citdi bulırğa tiyeşlegenä basım yasadı häm bolay dide: “Xäzergä qadär 16 meñ Rusiya ğaskäriye ülde. Närsä öçen? Bu kemgä närsä birä? Söyläşü citdi bulırğa tiyeş. Ukrainanıñ suverenlığı garantiyälänergä , anıñ cir bötenlege täêmin itelergä tiyeş. Yäğ’ni şartlar ğadel bulırğa tiyeş. Yuğisä Ukraina xalqı monı qabul itmäyäçäk”.