Yaponiyadan Ukraina belӓn kürşelӓrenӓ yӓrdӓm

Yaponiya Ukraina belӓn bu ilgӓ yӓrdӓm itüçe kürşelӓrenӓ 100 million dollarlık gumanitar yӓrdӓm cibӓrӓçӓgen belderde.

Kiçӓ Bel’giya başqalası Bryussel’da oyıştırılğan G7 Liderlar oçraşuında çığış yasağan Yaponiya prem’yer-ministrı Kişida Fumio Rusiyӓ 24nçe fevral’ könne Ukrainağa başlatqan suğışnıñ tӓêsirlӓrenӓ tuqtaldı.

Suğış arqasında dön’yadağı xalıqara tӓrtipneñ qurqınıç astına kerüen ӓytkӓn Kişida xalıqara cӓmӓğat’çelekneñ bu wazğıyӓt’tӓ yӓrdӓmlӓşü kürsӓtüe zarurlığın citkerde.

Rusiyӓ-Ukraina suğışınıñ global’ iqtisadqa tӓêsirenӓ işarӓt itkӓn Kişida suğışnıñ ênergiya hӓm azqı-tölek bӓyӓlӓren kütӓrüen ӓytep, iqtisadlarğa yӓrdӓm itü hӓm ênergiya iminlege öçen G7neñ urtaq êşçӓnlek başqaruı kirӓklegen belderde.

Yaponiya prem’yerı Rusiyӓ açqan suğışqa qarşı Ukrainağa hӓm Ukrainağa yӓrdӓm kürsӓtüçe kürşe illӓrgӓ 100 million dollarlık gumanitar yӓrdӓm cibӓrӓçӓklӓren açıqladı.