Awrupa Berlege tışqı êşlär häm saqlanu ministrları cıyıldı

Awrupa Berlege tışqı mönäsäbätlär häm iminlek säyäsäte yuğarı wäkile Josep Borrel’ tışqı êşlär häm saqlanu ministrlarınıñ Ukrainadağı soñğı xällärne, Rusiyägä yaña çikläwlärne häm "Strategik kompas”nı tikşeräçägen citkerde.

Borrel’ cıyılış aldınnan yasağan belderüendä bügen Awrupa Berlegeneñ ike yıl östendä êşlägän "Strategik kompas”nıñ qaralaçağın äytte.

Awrupa Berlegeneñ saqlanu häm iminlek ölkälärendä tağın da üzidaräle xäräkät itüe maqsatınnan çığıp äzerlängän şuşı strategiya dokumentınıñ Awrupa Berlegeneñ Ukraina suğışına cawapnıñ ber öleşe dä bulaçağın añlatuçı Borrel’: "Awrupanıñ suğış kebek awırlıqlar belän oçraşu köçeneñ kiläçägen yañadan uylawnıñ näq’ waqıtı”, - dide.

Ukraina qaçaqlarına yärdäm täêmin itkäne öçen Moldova tışqı êşlär ministrı Nicu Popescu belän oçraşu ütkäräçäklären belderüçe Borrel’ annan soñ Ukraina saqlanu ministrı Oleksii Reznikov belän video konferenśiya ısulı belän söyläşep alaçaqların citkerde.

Rusiyäneñ Ukrainada küp sanda xärbi cinayät yasawın raslap, bigräk tä böten Mariupolnıñ yuq bulaçağın äytüçe Borrel’ tışqı êşlär ministrları cıyılışında ayıruça ênergetika ölkäse belän ber rättän yaña sankśiyalar mäs’äläsendä fiker alışılaçağın belderde.

Qayber Baltıyq illäreneñ neft’ êmbargosınıñ da kertelüen teläwe belenä.