Bel'giyädäge waqıyğada ülüçelär arttı

Bel’giyäneñ La- Luv’yer töbägendä karnaval uzdıru öçen irtänge säğat’lärdä cıyılğan xalıq törkeme êçenä ber maşina bärep kerde. Avtomobil’neñ tizlege zur bula.

Cirle matbuğattağı xäbärlärgä qarağanda, Strepı şähärçegendä bulğan waqıyğada kimendä 6 keşeneñ ğomere özelä. Alarnıñ berse bala.

La- Luv’yer mêrı Jak Gober maşina bärü arqasında 12 keşeneñ awır, 20seneñ ciñelçä yaralanuın citkerde. Anıñ äytüençä, avtomobil’ keşelär östennän uzıp yulın däwam itä. Anı küpmeder waqıt uzğaç qına totqarlıy alalar.

Maşina yörtüçe qulğa alınğan. Anıñ yanında bulğan 2 yäş’ keşe qaçqan. Poliśiyä alarnı êzli.

Xäzergä waqıyğanıñ terrorçı höcüme buluı uylanılmıy. Bel’giyä xökümäte räise Aleksandr de Kroo Twitterda bolay dip yazdı: “Strepi Braken’yidän qurqınıç xäbärlär. Bäyräm itü öçen bergä cıyılğan keşelär ülde. Uylarım qorbannar häm yaqınnarı belän bergä”.

Cirle matbuğatta de Kroo häm patşa Filippnıñ cirlekkä baraçağın citkerdelär.