Ukrainada üterelgän amerikalı jurnalist öçen qayğı urtaqlaştılar
Brent Reno isemle xäbärçe İrpin tiräsendä Rusiyä höcümnärendä ülde
AQŞ däwlät departamentı Ukrainada amerikalı ber jurnalistnıñ Rusiyäneñ höcümnärendä ğomere özelüenä açınuın belderde. Oyışmanın süzçese Ned Prays Twitterda bolay dip yazdı: “Ukrainada jurnalistlar häm fil’m töşerüçeläreneñ, suğış belän bernindi bäyläneşe bulmawçılarnıñ Kreml’ köçläre tarafınnan üterelüe häm yaralanuı qotçıqqıç”.
Prays höcümnärdän zarar kürüçelär häm alarnıñ yaqınnarınıñ qayğısın urtaqlaştı.
Ukraina wäqalätleläre Amerika jurnalistı Brent Renonıñ başqala Kiyevnıñ tön’yaq-könbatışında İrpin tiräsendä Rusiyä höcümnärendä ülüen belderde.
Sośial’ mediada Renonıñ “New York Times” xäbärçese buluı turındağı yazmalardan soñ gazeta jurnalistnıñ üleme öçen ärnüen, tik anıñ Ukrainada üzläre öçen êşlämäwen citkerde. “Brent sälätle fotoxäbärçe häm fil’m töşerüçe ide,”-diyelä belderüdä.
