Çernobıl'gä êlektr birelde
Êlektrsız qalğan atom-töş stanśiyäsennän radiaśiyä taralu qurqınıçı yanıy ide
Ukraina ênergetika ministrlığı Çernobıl’ atom-töş stanśiyäsendä barğan tözätü êşläreneñ tögällänüen häm ob’yektqa qabat êlektr birelüen belderde. Anda 9nçı martta Rusiyä armiyäseneñ höcümnäre näticäsendä ut betkän ide. Ä bu üz çiratında qullanuılğan yağulıq saqlanuçı caylanmalarnıñ suıtusız qaluına kiterde. Atom-töş yağulığınıñ cılınıp parğa äylänü häm Ukraina, Rusiyä, Belarus’ häm Awtupanıñ başqa öleşenä radiaśiyä taralu qurqınıçı yanıy başladı.
Çernobıl’ atom-töş stanśiyäse qabat utqa totaştırıldı. Bu xaqtağı belderüdä bolay diyelä: “Ukrainanıñ ênergetika sisteması Rusiyä basıp aluçılarınıñ ber-ber artlı 18 kön bombalawı astında totrıqlı räweştä êşli”.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy