Lassa bizgäge 98 keşeneñ ğomeren özgän
Nigeriyädä lassa bizgägennän ülälär
1792758
Nigeriyädä 2 ayda lassa bizgägennän 98 keşeneñ ğomere özelgän.
Bu xaqta Nigeriya awırularnı kontrol’dä totu üzäge xäbär itä.
Üzӓkneñ belderüenӓ qarağanda, ütergeç bizgäk bıyılnıñ ğıynwar -fevral’ aylarında ilneñ 15 vilayätendä taralğan häm xäzergä qadär 98 keşeneñ ğomeren özgӓn, 559 keşe xastaxӓnӓgӓ salınğan.
Ul uzğan yıl Nigeriyädä 102 keşene yaqtı dönyadan alıp kitkän bulğan.
Nigeriya xökümäte 2019 nçı yılnıň 23 nçe ğıynwarında lassa bizgäge arqasında ğadättän tış xäl iğ’lan itkän ide.
Ülemgӓ dӓ iltüçe lassa bizgäge tıçqan tizägennän yoğa häm soñınnan ber keşedän ikençesenä küçä.
Räsmi zatlar xalıqnı gigiyena qağıydӓlӓren ütärgä, tıçqan häm başqa kimerüçelärdän yıraq torırğa çaqıra.
