Ukrainada höcümnär tuqtamıy

Rusiyä armiyaseneñ Ukrainanıñ Sumı şähärenä oyıştırğan hawadan höcümdä tınıç xalıqtan 9 keşeneñ ğomere özelde. Alardan ikese – balalar.

Ukrainanıñ Ğadättän tış xällär xezmätennän yasalğan açıqlawğa kürä rus xärbi oçqıçları kiçä kiçke sägät’lärdä Sumını bombağa tottı.

Açıqlawdan kürengänçä şähärneñ Romenskaya häm Spartak uramnarında 2 bina cimerelde, xäräbälär urınında yanğın çıqtı.

Yanğın Ukrainalı törkemnär tarafınnan sünderelde, xäräbälär astınnan ikese bala bulğan 9 keşeneñ mäyete çığarıldı.