Zelenskiy AQŞtan tağın da kübräk yärdäm soradı
Ul videoêlemtä aşa senatorlar häm Wäkillär palatası äğ’zaları belän söyläşä
1790475
Ukraina däwlät başlığı Vladimir Zelenskiy AQŞnıñ Kongress äğ’zalarınnan ilenä saqlanuda tağın da kübräk yärdäm häm oçqıçlar soradı. Senattağı küpçelek liderı, demokrat Çak Şumer anıñ videoêlemtä aşa senatorlar häm Wäkillär palatası äğ’zaları belän söyläşüen citkerde. Zelenskiynıñ möräcäğaten 280nän artıq wäkil tıñlağan.
“Ukrainanıñ bu oçqıçlarğa ixtiyacı bik zur. Min idaräne monı täêmin itügä êtärü öçen qulımnan kilgänne êşläyäçäkmen,”-di Çak Şumer.
Ul Kongressnıñ Ukrainağa gumanitar häm saqlanu yärdäme qısalarında 10 milliard dollarlıq paketnı raslayaçağın häm Ukraina xalqına teläktäşlektän tuqtamayaçaqların da äytte. Monnan alda 350 million dollarlıq saqlanu yärdämen Kiyevqa cibärü turında kileşengän ide inde.
