Ukrainada tınıç xalıqtan kimendä 102 keşe ülde

BMO Rusiyäneñ 24nçe fevral’dä höcüm başlawınnan soñ Ukrainada 102 grajdanlınıñ ğomere özelüen, 304eneñ yaralanuın, 422 meñ möhacirneñ kürşe däwlätlärgä kitüen belderde.

Oyışmanıñ keşe xoquqları şurasınıñ 49nçı utırışı Cenevadağı ofisında başlandı. Şuranıñ açılışında çığış yasağan BMO Keşe xoquqları yuğarı komissarı Mişel’ Baçelet Ukrainağa qarata xärbi höcümneñ küpsanlı keşe ğomeren qurqınıç astına quyuın äytte.

"Pänceşämbe irtäsennän başlap kiçä töngä qadär 7 se bala 102 üle häm 304 yaralı, tulayım 406 grajdanlı qorban terkälde. Bu grajdanlılarnıñ kübese awır artilleriyä häm reaktiv sistemalarnı da üz êçenä aluçı kiñ spektrlı şartlatqıç qorallar häm hawadan höcüm belän üterelde. Bu sannar tağın da kübräk dip şöbhälänäm,”-dip söyläde komissar.

Baçelet millionnarça keşeneñ metro häm sıyınu urınnarında qaçarğa mäcbür buluın assızıqladı. Ul dön’yanıñ här urınınnan tınıçlıq häm keşe xoquqları çaqıruları yasaluına iğ’tibarnı cälep itte.

“Monda ciñüçe häm yuğaltuçı yuq. Bäreleş arqasında barıbız zäğıyf’ländek,”-dide Baçelet.

BMO Keşe xoquqları şurasınıñ 49nçı utırışı 1nçe aprel’dä tögällänäçäk.