Zaxarova: "Könbatış belän mönäsäbätlärdä kire qaytuı mömkin bulmağan noqtağa yaqınlaştıq"

Rusiyä tışqı êşlär ministrlığı süzçese Mariya Zaxarova Rusiyäneñ Awrupa şurasınnan çığarıluına nisbätle: “Könbatış belän mönäsäbätlärdä kire qaytuı mömkin bulmağan noqtağa yaqınlaştıq,”-dide.

Awrupa şurası kiçä  Rusiyäneñ, Ukrainada alıp barğan xärbi operaśiyäse arqasında, äğ’zalıqtan çığarıluın belderde.

Mariya Zaxarova ber kanalğa interv’yusında bu qararğa bäyälämä yasadı. Ul Awrupa şurasın tänqıyt’läde. “Bu oyışmanıñ yuqqa çığuın añlata. Alar bezneñ artıbızda bezneñ turında söyläşäçäk. Tik kileşülären qabul itüläreneñ bezdän başqa mäğ’näse yuq häm bezdän başqa kön tärtibe bulmayaçaq,”-dide Zaxarova.

Ul sośial’ mediada yasağan belderüendä dä Angliyäneñ Rusiyä däwlät başlığı Vladimir Putin häm tışqı êşlär ministrı Sergey Lavrovnıñ bank xisapların tuñdıru qararına cawap itep: “Putinnıñ da, Lavrovnıñ da Angliya banklarında xisapları yuq,”-dide.