Awrupada köçle dawıllar

Awrupa illärendä köçle dawıllar küzätelä.

Dawıllar şaqtıy şähärdä can aldı häm citdi yaralanularğa kiterde.

Poyezd häm oçqıç säfärläre ğamäldän çığarıldı.

Angliyada uzğan atnada Dadli häm Yunis dawılları küzätelde.

İlneñ qayber şähärlärendä ağaçlar cimerelde.

Yunis dawılı 3 can aldı, ildä yaqınça 12 meñ bina utsız qaldı.

Franklin dawılı ilneñ qayber töbäklärendä köçle cil häm yañğır kiterep çığardı.

Dawıl arqasında Tön’yaq İrlandiyaneñ qayber töbäklärendä köçle su basu häm Yorkşirnıñ qayber töbäklärendä isä 80nän artıq su basu kisätüe yasaldı.

Pol’şa xökümäte Yunis dawılı arqasında ildä 524 meñ binanıñ utsız qaluın, 2600 binanıñ zıyan kürüen açıqladı.

Dawıl 17nçe fevral’ könne Pol’şada 3 can aldı, 4 keşene yaraladı.

Bel’giyada uzğan atnada küzätelgän Yunis dawılınnan soñ Franklin dawılı ilgä sörän saldırdı.

Yunis dawılında da qayber töbäklärdä mäktäplär yabıldı, poyezd säfärläre tuqtağan ide. Qayber şähärlärdä ağaçlar cimerelde, tübälär oçtı.

Niderlandta çärşämbe kiçennäñ bügengä qadär Dadli, Yunis häm Franklin dawılları küzätelde. Yunis berüze genä soñğı 4 yılnıñ iñ köçle dawılı bularaq bilgelände.

İldä dawıl arqasında ber atnada 4 keşeneñ ğomere özelde.

Franŝiyadağı Meteorologiya ğomüm mödirlegennän yasalğan açıqlawda kiçä başlanğan Franklin dawılı arqasında qaybet töbäklärdä qızğılt sarı töstäge sörän salındı.

İlneñ tön’yağında Yunis häm Franklin dawıllar arqasında 16 meñ yort utsız qaldı.

Şaqtıy töbäktä poyezd säfärläre beterelde, şaqtıy mäktäp yabıldı, ağaçlar zıyan kürde.

Brikvil’-syur-Mer şähärendä 70 yäş’täge ber par kiçke sägät’lärdä maşinalarında üle kileş tabıldı.