Bayden belän Şol’ś Ukraina turında fiker alıştı

Amerika Quşma Ştatları ilbaşı Djo Bayden häm Germaniyä kanślerı Olaf Şol’ś telefon aşa Ukraina kiyerenkelege turında fiker alıştı.

Aq Yorttan belderülärençä, äñgämädä alar Rusiyä häm Ukraina liderları belän soñğı waqıtta bulğan telefonnan söyläşülärne telgä aldı.

Bayden belän Şol’ś Ukrainanıñ suverenlığı häm cir bötenlelegenä tuğ’rılıqların qabatlap, Rusiyägä qarata diplomatiyä häm höcümne buldırmaw tırışlıqlarında transatlantik koordinaśiyäneñ häm Rusiyäneñ Ukrainağa bärep kerü oçrağında NATOnıñ könçığış qanatın köçäytüneñ ähämiyäten assızıqladı.