Vakśina qadatmawçılar êştän çığarıldı

AQŞnıñ N’yu-York qalasında 1430 muniśipal’ xezmätkärne koronavirus vakśinası qadatmawları öçen êşlärennän çığardılar.

N’yu-York mêrı Êrik Adamsnıñ ofisınnan yasalğan belderüdä Kovid-19 vakśinası yasatu mäcbüriyäte turında xäterlätelä. Anda äytelgänçä, muniśipal’ xezmätkärlär kizü çorında alğı frontta êşli. “Vakśina yasatıp alar üzlären häm barlıq şähär xalqın saqlaw öçen niqadär äzerlekle buluların tağın ber qat kürsätte” diyelä belderüdä.

Yözlägän muniśipal’ xezmätkär Kovid-19 vakśinası qadatuın dälillägän yäisä êştän çığaru turında kisätüdän soñ yasatqan. Monı başqarmağan 1430 keşene êştän çığaralar. Alarnıñ 64%ınıñ mäğarif tarmağında buluı belderelde.

N’yu-York şähärendä çığarılğan qararlar nigezendä, muniśipal’ xezmätkärlärneñ 2021nçe yılnıñ 29nçı oktyabrenä qadär kimendä 1 doza vakśina yasatuı mäcbüri ide. Moña qaramastan, Kovid-19 vakśinası qadatmağan 9 meñ keşene 2021nçe yılnıñ 1nçe noyabrendä tüläwsez yalğa çığardılar.