Franŝiyadağı yanğın 7 can aldı
Könçığış Pireney töbägendä tönlä şartlaw bulğan
1778448
Franŝiyaneñ kön’yağındağı Könçığış Pireney töbägendä ber binada tönlä barlıqqa kilgän şartlawdan soñ çıqqan yanğında 7 keşeneñ ğomere özelde.
Milli matbuğattağı xäbärlärgä kürä Sent-Loran-de-la-Salanke şähärçegendä kiçä tönlä ber binanıñ berençe qatında şartlaw barlıqqa kilde.
Şartlawdan soñ çıqqan häm yänäşä urnaşqan binalarğa cäyelgän yanğın törkemnär tarafınnan sünderelde.
Waqıyğada berençe mäğlümatlarğa kürä 7 keşe yaqtı dön’yadan kitte, alardan 2ese – bala. 4 keşe yaralandı. Yaralanuçılardan ber keşe awır xäldä.
Binalardan kim digändä 25 keşe êvakuaŝiyalände, jandarmeriya tikşerü başlattı.
