Putin belän Baydennıñ äñgämäse
AQŞnıñ “Rusiyä här mizgeldä Ukrainanı basıp aluğa kereşergä mömkin” räweşendäge belderüennän soñ barlıq iğ’tibar Bayden belän Putin arasındağı äñgämägä yünältelde
AQŞ ilbaşı Djo Bayden belän Rusiyä däwlät başlığı Vladimir Putin telefon aşa söyläşte.
Aq Yorttan bu xaqta yasalğan belderüdä Baydennıñ Ukraina çigendäge xärbi köçen arttırğan Rusiyäneñ bu ilneñ cirlären tağın da kübräk basıp aluı oçrağında AQŞnıñ berlektäşläre belän nıqlı cawap qaytaraçağı turındağı süzlärenä urın birelä. Ul Ukrainağa tağın ber tıqşınu bulsa, Rusiyägä tiz häm citdi çığımnar kitereläçäge xaqında da kisätte.
Belderüdä äytelgänçä, Rusiyäneñ Ukrainağa basıp kerüeneñ bik küp keşelärneñ ğazabına yul açaçağı häm Rusiyäneñ abruyın töşeräçäge xäterlätelde.
Bayden söyläşüdä mäs’äläneñ çişeleşe öçen diplomatik iniśiativa yaqlı buluların, tik başqa sśenariylar öçen dä berlekläşläre belän bergä äzer ikänleklären açıq kürsätä.
Rusiyäneñ ilbaşı sarayı Kreml’dän yasalğan belderüdä isä: “Vladimir Putin Baydenğa Ukrainanı basıp alu mäs’äläsendä belä torıp nigä aldan yalğan mäğ’lümat birelüen añlamawın äytte” diyelä.
Monnan aldağı könne AQŞ milli qurqınıçsızlıq kiñäşçese Djeyk Sallivannıñ “Rusiyä här mizgeldä Ukrainanı basıp aluğa kereşergä mömkin” räweşendäge belderüennän soñ barlıq iğ’tibar Bayden belän Putin arasındağı äñgämägä yünältelde.
AQŞ idaräse Ukrainadağı mäcbüri bulmağan diplomatik xezmätkärlärgä ildän kitü kürsätmäse birde, andağı 160 ğaskäriyen dä çığarırğa qarar qıldı.
