Yıl sayın 65 meň bala tämäke tötene kiterep çığarğan awırulardan ğomeren yuğalta
Bu xaqta Bötendön’ya sälamätlek saqlaw oyışması belderä
Dön’yada yıl sayın 65 meň bala 5 yäş’kä qadär tämäke tötene kiterep çığarğan sulış yulları infekśiyäläre arqasında ğomeren yuğalta.
Tämäke anı qullanğan keşeneň sälamätlegenä genä tügel, ä tirä - yaqtağı keşelärneň sälamätlegenä dä zıyan kiterä.
Bötendön’ya sälamätlek saqlaw oyışması mäğ’lümatlarına qarağanda , dön’yada tämäke tartu belän bäyle säbäplär arqasında yıl sayın 8 millionnan artıq keşe ülä.
Bu ülemnärneň 1 million 200 meňe tämäke tötene täêsirendä kilep çığa.
Dön’yadağı balalarnıň yaqınça yartısı tämäke tötenenä duçar bula häm yıl sayın 65 meň bala 5 yäşenä dä citmiçä monıň näticäsendä kilep çıqqan sulış yulları infekśiyäläre arqasında ülä.
Passiv tämäke tartu arqasında barlıqqa kilgän sälamätlek problemaların häm ülemnärne buldırmas öçen tämäkene yabıq cämäğät’ urınnarında , şäxsi yortlarda häm maşinalarda qullanmasqa kiräk.