Käxwä ğomerne ozınaytamı?

Daimi räweştä käxwä êçüçe keşelärneñ, älege êçemlekne qullanmawçılar belän çağıştırğanda, 12%qa tağın da ozın ğomerle buluı açıqlandı.

Angliyädäge Kuin Mêrı universitetı häm Vengriyäneñ Zemmel’veys universitetı belgeçläre 10 yıl buyı alıp barğan tikşerenülärdän soñ şundıy näticägä kilde.

Yaqınça 500 meñ keşe qatnaşqan testlardan kürengänçä, daimi räweştä käxwä êçüçelärneñ ğomerläre ozınraq.

Älege xuş isle êçemlek yöräk häm qan tamırı çirläre barlıqqa kilü häm paraliç kiçerü mömkinlegen yaqınça 20%qa azayta. Monnan tış, käxwädä yaman şeş, 2nçe tör diabet häm demenśiyä risqın kimetüçe minerallar häm antioksidantlar bar.

Tik şunı da äytergä kiräk, belgeçlär bu faydalarnıñ barı tarttırılğan käxwälärdä genä buluı, êri torğannarınıñ zararlı ikäne turında iskärtä.

Şulay da, köndä 3 çınayaqtan artıq käxwä êçüneñ östämä faydası yuq.

Tikşerenüdä qatnaşuçılarnıñ 22%ı käxwä êçmäwçe, 58%ı här könne daimi räweştä 1-3 çınayaq älege êçemlekne qullanuçı, qalğannar isä kimendä 3 çınayaq êçüçe.

Qayber belgeçlär isä käxwäneñ yuğarı qan basımı häm yöräk awırularınnan ülem qurqınıçın arttıruın söyli.