800 yıl êlek batqan korab tabıldı
Anıñ Awrupada moña qadär tabılğan iñ borınğı korab qaldıqları buluı belderelde
Şveśiyäneñ kön’yaq-könbatışında F’yelbaka sulıqlarında 800 yıllıq ağaç korab qaldıqları tabıldı. Anı Göteborg universitetı arxeologları kürep ala. Anıñ Awrupada moña qadär tabılğan iñ borınğı korab qaldıqları buluı belderelde.
Universitettan citkerülärençä, Dingo utrawı yänäşäsendä tabılğan korab 1233-1240nçı yıllardan qalğan.
Proyektnı citäkläwçe Staffan fon Arbin bolay di: “Urta ğasırlar Ganza berlege belän bäyle yazularda bu korablar turında da yış äytelä, ul çorda alar tön’yaq Awrupada kiñ taralğan”. Belgeç korabnıñ yazmışı häm nigä batuı turında älegä belmäwlären söyläde.
“Bälki korab piratlar höcümenä duçar bulğandır. Yazmaça çığanaqlar bezgä Boguslannı da kertep Norvegiyäneñ kön’yaq yarlarında Urta ğasırlarda piratlarnıñ bik cäyenke êşçänlek alıp baruı turında söyli. Şul uq waqıtta ğadäti hälakät tä bulırğa mömkin. Korabnıñ suğışta batırılğan buluları da bar. 12nçe ğasırnıñ täwge 10 yılı Norvegiyädä täxet öçen köçle êçke köräşlär barğan bolğawır waqıt bula,”-dip söyli arxeolog.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı
