Küzenä qarap soraw yaxşıraq

Yärdäm soraw möräcäğaten yözgä-yöz yasaw şaltıratu yäisä internettan yazuğa qarağanda näticäleräk bulıp çıqqan.

“Daily Mail”da urın alğan xäbärgä qarağanda, Torontodağı Rayerson universitetı tikşerenüçeläre yärdäm soraw öçen iñ yaxşı êlemtä kanalınıñ qaysısı buluın açıqlaw niyätennän ber êşçänlek ütkärä. Anıñ qısalarında 888 qatnaşuçınıñ härbersenä 5 dustınnan yaxşılıq êşläwen soraw burıçı yöklänä. Möräcäğat’lär yözgä yöz oçraşıp, videolı êlemtä aşa, şaltıratıp, tawışlı xäbär cibärep häm êlektron poçta yulı belän yasala.   

Näticädä, berennän yärdäm sorağanda monı şäxsän êşläwneñ kübräk uñay cawap aluğa kiterüe açıqlana.

Tikşerenügä qarağanda, êştä yäisä başqa urında berärsennän yärdäm sorağanda videoêlemtä aşa şaltıratu yäisä poçtadan yazu bik näticä birmi. Küzeñä qarap toruçığa “yuq” dip äytü awırraq. Şuña kürä, iñ yaxşısı keşeneñ yanına barıp yärdäm soraw.