DEAŞ liderı üterelde
AQŞ ilbaşı terrorçı oyışmanıñ başlığın xärbi operaśiyädä yuq itülären belderde
Amerika Quşma Ştatları ilbaşı Djo Bayden Süriyädä uzdırılğan xärbi operaśiyädä terrorçı oyışma DEAŞnıñ liderı Äbu İbrahim äl-Xaşimi äl-Kureyşinıñ üterelüen xäbär itte. Ul AQŞ ğaskärläreneñ İdlib töbägendäge xäräkäte belän bäyle belderü yasadı.
“AQŞ armiyäse minem ämerem belän Süriyäneñ tön’yaq-könbatışında dön’yanı tağın da imin xälgä kiterü, berlektäşlärebezne häm AQŞ xalqın saqlaw öçen terrorçılıq belän köräş operaśiyäse oyıştırdı. Qıyu qorallı köçlärebezneñ sälätläre näticäsendä DEAŞ liderı Äbu İbrahim äl-Xaşimi äl-Kureyşinı täêsirsez xälgä kiterdek. Operaśiyädä qatnaşqan barlıq AQŞlılar isän-imin kire qayttı,”-dip söyläde Bayden.
Aq Yortnıñ sośial’ media akkauntında ilbaşı Bayden, kiñäşçese Kamala Xarris häm milli iminlek törkeme äğ’zalarınıñ operaśiyäne küzätep toruları mizgelen töşergän fororäsem urtaqlaşıldı.
AQŞnıñ Süriyäneñ İdlib töbägendä F-16 xärbi oçqıçı häm boralaq yärdäme belän terrorçı oyışma DEAŞqa qarşı ütkärelgän operaśiyäse barışında 13 keşe üterelde. Aralarında balalar häm xatın-qızlar da bar.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
