Angliya säyäsätçeläre Mäskäwgä cıyına

Angliyä tışqı êşlär ministrı Liz Trass häm saqlanu ministrı Ben Uollesnıñ yaqındağı könnärdä Rusiyä başqalası Mäskäwgä kitäçäge belderelde. Bu xaqta Böyekbritaniyäneñ xökümät yortı xäbär itä.

“Xökümät räise Boris Djonson, uzğan atnada ictimağıy palatada yasağan häm Rusiyä belän tağın da yaxşıraq mönäsäbätlärneñ mömkin buluın äytkän belderüennan soñ, tışqı êşlär häm saqlanu ministrlarına kiläse könnärdä wazıyfadaşları belän oçraşıp söyläşü öçen Mäskäwgä baru kürsätmäse birde. Alarğa däwlät başlığı Vladimir Putin xökümäte belän mönäsäbätlärne yaxşırtu häm Ukraina belän kiyerenkelekne kimetügä yärdäm itü wazıyfası yöklände” diyelä belderüdä.

Anda, şulay uq, Djonsonnıñ soñğı atnalarda xezmättäşläre belän söyläşülär barışında uñışlı basım häm diplomatiyä kombinaśiyäse bulmağanda Rusiyä häm Ukrainada meñnärçä ğomerneñ özeläçägen äytüe dä citkerelde.  

Angliyä xökümäte räiseneñ kiläse atnalarda Rusiyä däwlät başlığı Vladimir Putin belän telefon aşa söyläşep häm “bu yullamanı şäxsän citkerü” öçen töbäkkä kitü niyätendä buluı da belderelde.