Zelenskiy belän Makron telefonnan söyläşte

Ukraina däwlät başlığı Vladimir Zelenskiy belän Franśiya ilbaşı Êmmanuêl’ Makron telefonnan söyläşte.

Bu xaqta Ukraina ilbaşı idaräseneň yazmaça belderüendä citkerelä.

Belderüdä äytelgänçä, alar Könçığış Ukraina xaqında süz alıp bardı.

İke lider bu mäs’älägä qağılışlı Normandiya formatı qısalarında êşçänlek başlanuğa häm 26 nçı ğıynwarda Parijda cıyılış uzuğa qanäğät’leklären belderdelär.

Makron häm Zelenskiy kiläçäktä ütkäreläçäk cıyılışlarnı tizlätü öçen kileştelär.

Zelenskiy “Diplomatik iniśiativalar däwam itsä, kiläçäktä kiyerenkelek qurqınıçı kimiyäçäk” dip assızıqladı.

Söyläşüdä Ukraina häm Franśiya arasındağı iq’tisadi kileşülär häm yaňa proyektlarnı tormışqa aşıru belän bäyle mäs’älälär dä qaraldı.