Äfğanstandağı sälamätlek saqlaw sisteması tarqalu aldında tora

Bötendönya sälamätlek saqlaw oyışmasınıñ belderüendä, Äfğanstannıñ sälamätlek saqlaw sistemasınıñ tayanıçı bulğan sälamätlek saqlaw programması qısalarında il külämendä 2 meñ 331 sälamätlek saqlaw qorılması aradaşçılığı belän millionlağan keşegä xezmät täêmin itelüe citkerelep, ildäge keşelärneñ sälamätlege citdi räweştä qurqınıç astında, dip kisätelde.

Äfğanstanda xäzergä qadär bulğan sälamätlek saqlaw tarmağındağı böten alğarışlarnıñ yuğalu mömkinlegenä basım yasalğan belderüdä xalıqara cämäğätçelek Äfğanstandağı sälamätlek saqlaw xezmätläre öçen tiz arada al’ternativ finanslawnı tabarğa çaqırıldı.

Belderüdä kiräkle aşığıç çaralar kürelmägän oçraqta ildäge sälamätlek saqlaw sistemasınıñ tarqala aluı kisätüe yasaldı.

Şul uq waqıtta “Taliban” waqıtlı xökümäteneñ Sälamätlek saqlaw ministrlığı süzçese Cavid Hajir: "Sälamätlek saqlaw tarmağına kürsätelgän yärdämnär Sälamätlek saqlaw ministrlığı belän koordinaśiyäle räweştä taratılmağan oçraqta sälamätlek saqlaw tarmağındağı krizis artırğa häm keşelär problemalar belän oçraşırğa mömkin”, - dip äytte.

Monnan aldağı xökümät waqıtında Dön’ya bankı, Awrupa komissiyası häm Amerika Quşma Ştatlarınıñ Xalıqara üseş agentlığı tarafınnan finanslanğan sälamätlek saqlaw programması xalıqara yärdämnärneñ özelüe belän tuqtatıldı.

“Taliban”nıñ Äfğanstanda citäkçelekkä kilüennän soñ açlıq häm fäqıyrlek artqan ildä “Kovid-19” xastaxanäläre belän bergä sälamätlek saqlaw oyışmaları cılınu, yağulıq, êlektr, azıq-tölek, vakśina, daru häm mediśina cihazlarınıñ citmäwe kebek awırlıqlar êçendä xezmät birergä tırışa.