Sarkisyan wazıyfasınnan kitte

Ärmänstan ilbaşı Armen Sarkisyan wazıyfasınnan kitüen belderde. Bu xaqta ul yazmaça açıqlaw yasadı. Sarkisyan anda ilendä bik küp säyäsi problemalar barlığın häm alar belän köräşü öçen kiräkle çaralarğa häm konstituśion köçkä iyä bulmawın citkerä.

Räsmi zat äytüençä, qayber säyäsi törkemnär aña häm ğailäsenä yanıy.

Sarkisyan älege säbäplärneñ sälamätlegenä dä naçar täêsir yasawın assızıqlap bolay dip yaza: “Bu xaqta ozaq uyladım häm 4 yıl êşlägännän soñ ilbaşı wazıyfasınnan kitü qararına kildem. Bu qarar xislär tügel, mantıyq qısalarında tudı”.

2018nçe yılda ilbaşı bularaq saylanğan Sarkisyannıñ wazıyfa waqıtı 2025nçe yılda tulası ide.