Kovid-19dan ülemnär D vitaminı belän bäyleme?

Koronavirus yoqtıru oçraqları häm anıñ arqasındağı ülemnärneñ D vitaminı defiśitı belän bäyle bula aluı açıqlandı.

Spring.org internet säxifäsendä urın alğan xäbärgä qarağanda, fän ähelläre Kovid-19 belän D vitaminı arasındağı mönäsäbätne tikşerde. Êşçänlek qısalarında 20 Awrupa däwlätendäge sälamätlek saqlaw mäğ’lümatları qaraldı.

İtaliya, Şveyśariya häm İspaniyä şikelle däwlätlärneñ ölkän yäş’täge keşelärendä D vitaminı defiśitı küzätelde. Ğalimnär Kön’yaq Awrupa illärendä yäşäwçelärneñ D vitaminı däräcäse tübän buluın alarnıñ qoyaş nurlarınnan qaçuı belän bäyli.

Skandinaviyä däwlätlärendä Kövid-19 oçraqlarınıñ azraq buluın isä anda yäşäwçelärneñ D vitaminı häm balıq mayı qullanularına sıltıylar.

Tikşerenüdä älege vitamin belän virusqa bäyle ülemnärgä çiq quyu mömkinlege citkerelde.

Monnan aldağı êşçänleklärdä dä D vitaminı defiśitınıñ sulış yulı awıruları belän bäyle bula aluı citkerelgän ide.