Namaz qılğan öçen - ştraf

Bosniya-Gerśegovinada serb poliśiyäse namaz qıluçı bosniyälelärgä ştraf saldı. İldäge serb qorılışlarınıñ separatist ğamälläre däwam itä.

Waqıyğa bolay bula: Bosniya-Gerśegovinadağı Serb cömhüriyäte çikläre êçendä urın alğan Trebeviç töbägendä din mädäniyäte uqıtuçısı belän 20 uquçı Trebeviç tawına menä. Alar şunda öylä namazların qıla.

Törkemne şähärgä kire qaytu yulında poliśiyä tuqtata häm cämäğat’çelekkä açıq urında tärtipsez ğamällär qıluda ğayepläp 50 yevro ştraf sala. Bosniyälelär moña qarşı kilsä dä “Bu bezneñ töbägebez, monda namaz qıla almıysız” digän cawap işetälär. Möselman törkem monı şiqayät’ itep mäxkämägä biräçäklären beldergännän soñ poliśiyä ştrafnı ğamäldän çığara. Möğallim belän balalarnı serb iminlek saqçıları yaqınça 5 säğat’ suıqta kötterep tora. Bu waqıt êçendä kire şähärgä qaytu öçen funikulyerlar yabıla. Törkem tawdan cäyäw töşergä mäcbür bula.  

Xoquqsız möğamälägä duçar bulğan bosniyälelär mäxkämägä möräcäğat’ itärgä äzerlänä.