“Küp kenä zur yanğın kürdem, monısı – iñ naçarı"
N’yu-Djersidağı yanğınnan çıqqan töten N’yu-York kügen qapladı
1763135
AQŞnıñ N’yu-Djersi ştatında ber ximik matdä citeşterü êşxanäsendäge yanğınnan çıqqan töten ştatnıñ tön’yağı häm N’yu-York şähäre kük yözen qapladı.
Passaiktağı “Majestik Industries and the Qualco” isemle ximiya qorılmasında tönge sägät’lärdä çıqqan yanğın qısqa waqıtta qorılmadağı şaqtıy binağa cäyelde.
Yanğın arqasında şaqtıy binada işelü qurqınıç barlıqqa kilde, yanğın sünderüçelärneñ suları salqınnar arqasında tuñdı.
Passaik mêrı Gektor Lora matbuğatqa açıqlaw yasap: “Küp kenä naçar yanğın kürdem, monısı – iñ naçarı,” - dide.
Räsmi zatlar töten arqasında tirä-yaqtağı keşelärgä täräzä häm işeklären yabıq totarğa quştı.
Waqıyğada ülüçelär yuq, xäräbälär astında qalğan ber yanğın sünderüçe xastaxanägä salındı.