Xökümät räiseneñ öyendä qaçaq
Şveśiyädä däwlät êşlekleseneñ qaçaq xatın-qıznı öyendä êşlätüe cäncal çığardı
Şveśiyä xökümäte räise Magdalena Anderssonnıñ öyendä 25 yäş’lek cıyıştıruçını êläkterälär. Anıñ ildä yäşäw röxsäte yuq bulıp çığa.
21nçe dekabr’dä Stokgol’mdağı öyneñ iminlek sisteması yalğış xäwef signalı birä. Tiz arada kilep citkän poliśiyä anda cıyıştıruçığa tap bula. Anıñ bu ildä yäşärgä dä, êşlärgä dä röxsät itüçe dokumentları bulmıy.
“Expressen” gazetınıñ xäbärenä qarağanda, 25 yäş’lek xatın-qıznıñ 2020nçe yılnıñ martında yasağan sıyınu möräcäğate kire qağıla. Şul waqıttan birle ul Şveśiyädä qaçaq bularaq yäşi. Citmäsä, 2020nçe yılnıñ sentyabrendä migrant xatın-qıznıñ ber kibettä qaraqlıq êşläwe häm poliśiyä tarafınnan êzlänüe açıqlana.
Waqıyğadan soñ xökümät räise Andersson üzenä cıyıştıruçı cibärgän şirkätkä rizasızlığın belderde häm alar belän bütan êşlämäyäçägen xäbär itte.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
