Faciğada ülüçelär sanı 10 buldı
Braziliyadağı waqıyğada yuğalğan 2 keşeneñ mäyete tabıldı
Braziliyaneñ Minas Gerais vilayätendä turistlar utırğan köymälärneñ östenä zur qıya taşı kilep töşü näticäsendä ülüçelär sanı 10 buldı.
Minas Geraisneñ Yanğın sünderü idaräsennän yasalğan açıqlawda Kapitolio şähärendä urın alğan Furnas külendä barlıqqa kilgän faciğada yuğalğan 2 keşeneñ mäyete tabıldı.
Waqıyğada 32 keşe yaralandı. Alardan 4ese xastaxanädä.
Êzläw-qotqaru êşçänlekläreneñ azağına yaqınlaşuı belderelde.
Turistlar köymädä gizgän waqıtta zur qıya kisäge 2 köymä östenä kilep töşä. Yaqındağı 2 köymä dä zıyan kürä.
Belgeçlär qıyanıñ soñğı könnärdä küzätelgän köçle yawım-töşem kiterep çığarğan êroziya arqasında töşüen uylıy.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar