Argentinada urman yanğınnarı
4 kön buyı tuqtamağan yanğında yaqınça 80 meñ gektar mäydan zarar kürde
1757183
Argentinanıñ kön’yağında Çubut provinśiyäsendäge Puêrto-Madrin şähäre tiräsendä 4 kön buyı tuqtamağan yanğında yaqınça 80 meñ gektar mäydan zarar kürde. Bu xaqta ilneñ räsmi xäbär agentlığı “Telam” töbäk grajdanlı saqlanu idaräse mödire Xose Maśśei süzlärenä tayanıp yaza.
Äylänä-tirä moxit häm totrıqlı üseş ministrlığı isä Neuken, Çubut, Rio-Negro häm Salta töbäklärendä urman yanğınnarınıñ däwam itüen citkerä. Argentinada 2021nçe yılda yanğınnar 300 meñ gektardan artıq cirne yuq itte.
