Ğaläm stanśiyäsendä - badminton matçı
Yaña yılnıñ berençe könendä astronavtlar ğalämdä badminton matçı uzdırdı
Xalıqara ğaläm stanśiyäsendä badminton uynadılar. Yaña yılnıñ berençe könendä Awrupa ğaläm agentlığı astronavtı Mattias Maurer êkipajdağı iptäşläre yaponiyäle Yusaku Maezava häm Yozo Xirano belän matç uzdırdı.
“Fän, yaña täcribälär häm orbital’ badminton matçıbız şikelle tağın da küñelle kollektiv êşçänleklär belän yaña yılnı sabırsızlanıp kötäbez,”-dide Maurer. Ul badminton uynawlarınıñ videosı belän urtaqlaştı.
Awrupa ğaläm agentlığı älege çara belän bäyle bularaq belderü yasadı. “Xalıqara ğaläm stanśiyäsendä yäşäwçe astronavtlar fänni häm operativ êşçänlekkä böten iğ’tibarların birä, şul uq waqıtta êkipaj öçen ähämiyätle bulğan balans täêmin itüçe, mädäniyätlärarası almaşu häm kollektiv barlıqqa kiterü öçen mömkinlek birüçe küñelle çaralar belän käyef tä kütärä” diyelä anda.