Käşmir ğıybadätxanäsendä faciğa

Käşmirda Yaña yılnı Mata Vaişno Devi ğıybadätxanäsendä qarşı alırğa teläwçelär arasında êteş-törteş çıqqan, faciğada 12 keşeneñ ğomere özelgän.

Räsmi zatlar berençe mäğlümatlarğa kürä 12 keşeneñ ülüen, 13 keşeneñ yaralanuın belderde.

Hindıstan däwlät başlığı Raştrapati Bhavan soŝial’ media akkauntında açıqlaw yasap, Mata Vaişno Devi ğıybadätxanäsendä barlıqqa kilgän êteş-törteştän soñ ülüçelärneñ buluına borçıluın citkerde.

“Ğomere özelüçelärneñ ğailäläreneñ qayğısı belän urtaqlaşam häm yaralanuçılarğa şifalar telim,” – dide.

Prem’yer-ministr Narendra Modi isä räsmi zatlar belän êlemtädä buluların, ülüçelärneñ ğailäläreneñ qayğısı belän urtaqlaşuın häm yaralanuçılarnıñ qısqa waqıtta sawığuın teläwen açıqladı.

Waqıyğa belän bäyle yuğarı däräcäle tikşerü başlatıldı.

Mata Vaişno Devi iñ xörmätle indus ğıybadätxanäse bularaq belenä häm keşelär doğa uqu öçen yış qına biregä kilä.