Äfğanstan - iň küp bala üleme küzätelgän il
Bu xaqta YUNİSEFtan yasalğan açıqlawde citkerelä
Äfğanstannıň 2005nçe yıldan bügengä qadär dön’yada iň küp bala üleme küzätelgän il buluı belderelde.
YUNİSEFtan yasalğan açıqlawğa kürä Äfğanstanda soňğı 16 yılda qırıslıq waqıyğaları arqasında ğomere özelgän häm yaralanğan balalar sanı 28 meň 500 buldı.
Açıqlawda bu sannıň dön’yadağı bala ülemnäreneň 27%ın täşkil itüe citkerelde häm dön’yanıň här cirendä ayıruça Äfğanstandağı balalarnı qırıslıqtan saqlar öçen härtörle tırışlıq kürsätü zarurlığı assızıqlandı.
Açıqlawda kürengänçä 2021nçe yılnıň berençe 6 ayında ildäge suğış häm qırıslıq waqıyğalarında 460tan artıq bala yaqtı dön’yadan kitte, yözlärçäse yaralandı.
Qorallı bäreleşlär häm suğıştan qalğan kiräk-yaraqlarnıň şartlawı näticäsendä bala ülemnäreneň däwam itüennän borçunıň toyıluı belderelde.
Yaqınça 40 yıl buyı däwam itüçe Äfğanstandağı bäreleşlärdän iň küp xatın-qızlar häm balalar zıyan kürde.
