Alyaskada rekord cılılıq
Kad’yak utrawında rekord däräcädä cılılıq küzätelde
AQŞnıñ Alyaska ştatınıñ kön’yaındağı Kad’yak utrawında rekord däräcädä cılılıq küzätelde. Belgeçlär töbäktäge klimat üzgärüneñ xätär yawım-töşemnärgä säbäpçe bulaçağın farazlıy.
Alyaskada köndez cılılıqnıñ 15,5 gradustan artuı, ğadättä, köçle suıq häm qarlar belän ütärgä tiyeşle dekabr’ ayında yañğır yawuğa kiterde.
Alyaska klimat üzägennän ğalim Rik Toman Kod’yak utrawlar cıyılmasında yäkşämbe könne hawa temperaturasınıñ 19,4 gradusqa qadär kütärelüen häm monıñ töbäktä dekabr’ ayında älegä qadär terkälgän iñ cılı hawa torışı buluın belderde. Moña qadärge rekordlar Kod’yak aêroportında +18,3 gradus häm Gold Bayda +16,6 gradus ide.
Rik Toman fikerençä, monıñ iñ citdi näticäse Alyaskanıñ üzäk töbäklärendä zur külämdä häm keşelär öçen xätär yawım-töşem bulaçaq.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy