Balalarğa yalğış koronavirus vakśinası qadağannar

Franśiyäneñ Le-Man şähärendä ber vakśina üzägendä 6 balağa yalğış doza häm preparat kertelüe açıqlandı. Bu xaqta Pêi-de-la-Luar töbäk sälamätlek saqlaw agentlığı häm Sarta gubernatorlığı xäbär itä.

Bu xäl 18nçe dekabr’, şimbä könne bula. Şunı äytep kitärgä kiräk, 5tän 11 yäş’kä qadärge balalarğa 10 milligrammlı Pfayzer pediatrik, 12 yäşennän başlap isä 30 milligramm Pfayzer Comirnaty vakśinaları qadala. Tik 11 yäş’tän keçkenä 6 balağa 20 milligramm Pfayzer Comirnaty preparatın kertkännär.

Yalğışlıq açıqlanğannan soñ balalarnıñ ğailälärenä temperatura häm awırtu şikelle bilgelärne küzätep toru kiñäş itelgän. Älegä qadär balalarnıñ 5sendä naçar yoğıntı kürenmägän, 1se arığanlıq häm sızlanu xis itä.

Xökümät räise Jan Kasteks älege vakśina üzägenä şul uq könne bara häm kübese östämä doza alırğa kilgän keşelär belän aralaşa.