Tarixta täwge tapqır Qoyaşqa yaqınlaştıq

NASAnıñ ğaläm korabı Parker Solar Probe Qoyaşqa iñ nıq yaqınlaşqan apparat buldı. Bu xaqta AQŞ ğaläm häm aviaśiyä oyışmasınıñ räsmi xäbär säxifäsendä yazdılar. Parker Solar Probe Qoyaşnıñ tışqı atmosferası bularaq bilgele tac sferasınnan oçtı häm andağı kisäkçeklär belän magnitlı mäydannarnı analizladı.

Bu adım Qoyaşnı öyränü öçen yaña işek bularaq kürelä häm anıñ älege kük ciseme belän bäyle kritik mäğ’lümatlarnıñ açıqlanuına yärdäm itäçäge uylanıla.

Parker Solar Probe ğalämgä 3 yıl êlek oçırtıldı. Ul bügengä qadär tormışqa aşırılğan iñ ähämiyätle missiyälärdän bersen başqara.

Apparatnıñ Qoyaşqa qarawçı yağı 1370 gradus cılılıqqa duçar buldı. Anıñ 7 yıl buyı yoldız tiräsen 24 tapqır äylänüe planlaştırıla.

Parker Solar Probenıñ wazıyfaları arasında qoyaş cileneñ tizlänüe, yoldızdan daimi räweştä tışqa matdä ağımı häm tacdağı bik yuğarı cılılıqnıñ seren açu bar.