Putin belän Śzin’pin’ söyläşäçäk

Qıtay däwlät başlığı Si Śzin’pin’  15nçe dekabr’dä Rusiyä ilbaşı Vladimir Putin belän onlayn söyläşü uzdıraçaq. Bu xaqta Qıtaynıñ tışqı êşlär ministrlığınnan belderdelär. İke lidernıñ söyläşüe illär arasındağı mönäsäbätlär häm global’ problemalarğa bağışlanaçaq.

BMOnıñ iminlek şurasında daimi äğ’za bulğan ike däwlätneñ citäkçeläre äñgämäse, ikeseneñ dä Amerika Quşma Ştatları belän kiyerenke mönäsäbätläre säbäple, köç balansı nisbätennän kritik ähämiyätkä iyä.

Qıtay däwlät başlığı Si amerikalı wazıyfadaşı Djo Bayden belän 16nçı noyabr’dä internet êlemtäse aşa yaqınça 3 säğat’ yarım däwam itkän söyläşü uzdırğan ide. Ä 7nçe dekabr’dä Bayden belän Putin onlayn äñgänä qordı.