G7 Rusiyäne xalıqara yöklämälärne ütärgä çaqırdı

Angliyanıñ Liverpool şähärendä oyıştırılğan G7 tışqı êşlär ministrları cıyılışınnan soñ G7 illäre belän Awrupa Berlege yuğarı wäkile Josep Borrell Rusiyä häm Ukraina belän bäyle urtaq belderü yasadı.

"Rusiyäneñ xärbilärne cıyuın häm Ukrainağa qarşı agressiv süzlären gäyepläw mäs’äläsendä berläştek”, - dip äytelgän belderüdä Amerika Quşma Ştatları İlbaşı Djo Baydenneñ 7nçe dekabr’dä Rusiyä Däwlät başlığı Vladimir Putin belän söyläşüe waqıtında beldergäne kebek Rusiyägä kiyerenkelekne kimetergä, diplomatik kanallarnı qullanırğa häm xärbi êşçänlekneñ açıqlığı mäs’äläsendä xalıqara yöklämälärne ütäw çaqıruı yasaldı.

Belderüdä Franśiya häm Germaniyanıñ Ukrainanıñ könçığışındağı tartqalaşunı xäl itü öçen Minsk kileşüläreneñ tulısınça ütälüenä qağılışlı Normandiya formatındağı tırışularınıñ yaqlanuı da qabat raslandı.

Xalıqara xoquqqa kürä çiklärne üzgärtü öçen teläsä qaysı köç qullanunıñ “qatğıy räweştä tıyılğan” buluına basım yasalğan belderüdä: "Rusiyä Ukrainağa qarşı tağın da kübräk xärbi höcümneñ zur näticäläre häm citdi bäyäläre bulaçağınnan şiklänmäskä tiyeş. Ukrainanıñ möstäqıyllegenä häm cir bötenlegenä häm teläsä qaysı möstäqıyl däwlätneñ üz kiläçägen bilgeläw xoquqına qarata qaqşamas bäylelegebezne qabat raslıybız. Ukrainanıñ salmaq totışın täq’dir itäbez. Urtaq häm kiñ qırlı cawap birüdä xezmättäşlegebezne arttıraçaqbız”, - dip äytelde.