Zelenskiy - Bayden söyläşüe uzdı

AQŞ ilbaşı Djo Bayden Ukraina däwlät başlığı Vladimir Zelenskiy belän telefonnan söyläşte.

Ukraina İlbaşı idaräsennän yasalğan açıqlawğa kürä söyläşüdä Ukraina tirä-yağındağı iminlek wazğıyäte häm tınıçlıqnıñ urnaştırıluı öçen yullar qaraldı.

Taraflar Bayden belän Rusiyä ilbaşı Vladimir Putin arasındağı söyläşüneñ näticälärenä dä tuqtaldı.

Zelenskiy Baydenğa ileneñ möstäqıyl’lege häm cir bötenlegen härwaqıt xuplağanı öçen räxmäten belderde.

Söyläşüdä Zelenskiy Donbassta tınıç maqsatlı çişeleşkä bäylelegen qabatlap, tuqtalıp qalğan tınıçıq urnaştıru söyläşülären başlatu öçen täqdimnäreneñ buluına häm törle formatlarda bolarnı bäxäsläşergä äzer bulularına iğtibarnı cälep itte.

Liderlar ayıruça Ukrainağa iminlek, finans häm säyäsät ölkälärendä yärdäm yulların da söyläşte.