Mäskäwdä Kön’yaq Qavqazda daimi tınıçlıq cıyılışı uzaçaq

Kön’yaq Qavqazda daimi tınıçlıq häm totrıqlılıq urnaştırıluı öçen regional’ xezmättäşlek platformasınıñ berençe cıyılışı 10nçı dekabr’dä Rusiyä başqalası Mäskäwdä oyıştırılaçaq. Cıyılışta Törkiyäne tışqı êşlär ministrı urınbasarı, tulı wäqalätle ilçe Sädat Önal citäkçelegendäge delegaśiya wäkillek itäçäk.

İlbaşı Räcäp Tayyip Ärdoğan häm Azärbaycan Däwlät başlığı İlham Aliyev täq’dim itkän Kön’yaq Qavqaz regional’ xezmättäşlek platformasınıñ berençe cıyılışı comğa könne ütkäreläçäk.

Törkiyä tışqı êşlär ministrlığınıñ sośial’ media akkauntınnan yasalğan belderüdä: "Kön’yaq Qavqazda daimi tınıçlıq häm totrıqlılıq urnaştırıluı belän bäyle bularaq xörmätle Däwlät başlığıbız häm Azärbaycan İlbaşı xörmätle İlham Aliyev tarafınnan täq’dim itelgän 3+3 formatındağı regional’ xezmättäşlek platformasınıñ berençe cıyılışı 2021nçe yılnıñ 10nçı dekabr’ könne Mäskäwdä oyıştırılaçaq”, - dip äytelde.

Belderüdä Azärbaycan, Ärmänstan, Rusiyä häm İrannıñ tışqı êşlär ministrı urınbasarları däräcäsendä qatnaşaçaq cıyılışta Törkiyäne tışqı êşlär ministrı urınbasarı, tulı wäqalätle ilçe Sädat Önal citäkçelegendäge delegaśiyanıñ wäkillek itäçäge äytelde.