Qaşıqçı ülemendäge şöbhälelärneñ berse Parijda êläkterelde
33 yäş’lek şöbhäle Xalid Alotaibi Soğud Ğaräbstanı başqalası Riyadqa yul totu öçen oçqıçqa utırğanda êläkterelä
Soğud Ğaräbstanı jurnalistı Cämal Qaşıqçınıñ älege ilneñ İstanbuldağı konsullığında üterelüe belän bäyle ber şöbhäle Franśiyä başqalası Parijda êläkterelde. Anı Şarl’ de Goll’ aêroportında çik buyı poliśiyäse xezmätkäre totqarlıy. Bu xaqta Franśiyä matbuğatı mäxkämä çığanaqlarına tayanıp yaza.
Xäbärlärdä äytelgänçä, 33 yäş’lek şöbhäle Xalid Alotaibi Soğud Ğaräbstanı başqalası Riyadqa yul totu öçen oçqıçqa utırğanda êläkterelä.
Soğud Ğaräbstanı täxet prinśı Möxämmät bin Sälmanğa qarata tänqıyt’läre belän tanılğan häm “Vaşington Post” gazetında yazuçı bulğan Cämal Qaşıqçı 2018nçe yılnıñ 2nçe oktyabrendä Soğud Ğaräbstanınıñ İstanbuldağı konsullığında üterelde häm gäwdäse öleşlärgä ayırıldı.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy